സ്കാനിങ്ങ് കഴിഞ്ഞ് വീട്ടിലെത്തിയപ്പോള് രണ്ട് പേര്ക്കും രണ്ട് മാനസികാവസ്ഥയായിരുന്നു..പെണ്കുട്ടിയായിരിക്കും എന്നു കേട്ടപ്പോള് അവള്ക്ക് സന്തോഷവും എന്നാ അവനു ഈ മന്ത്രിമാര്ക്കൊക്കെ തോന്നുന്ന പോലെ ഒരു സമ്മിശ്ര പ്രതികരണവും. അതിനു കാരണമുണ്ട്. ഒരു വശത്ത് ആദ്യ സന്താനലബ്ധിയുടെ ആനന്ദവും എന്നാല് മറു വശത്ത് സ്വര്ണ്ണവില പിന്നെയും കൂടി എന്ന വാര്ത്തയുടെ ഹാങ് ഓവറും. ഏതോ ചൈനീസ് ജ്യൊതിഷ പ്രകാരം നോക്കിയപ്പോള് ആണ്കുട്ടിയാണെന്ന് കണ്ടതിന്റെ കഥയും പറഞ്ഞാണു ഡോക്ടറുടെ അടുത്തെത്തിയത്. ജ്യോതിഷം ശാസ്ത്രമാണെന്നൊക്കെ പറയുന്നുണ്ടെങ്കിലും ഡോക്ടര് വയറ്റിനകത്ത് ഒളികാമറ വച്ചു നേരിട്ട് കണ്ടതല്ലേ എന്നു കരുതി ചൈനയെ ഔട്ടാക്കി അലോപ്പതിയെ പൊതിഞ്ഞു കീശയില് വച്ചു.
ഏല്ലാരെം പോലെ മാസം തികഞ്ഞു അവള് പ്രസവിച്ചു നല്ല കലക്കനൊരു ആണ്കുട്ടിയെ..എന്നിട്ടും അയാള് ശാസ്ത്രത്തെ തള്ളീപ്പറഞ്ഞില്ല.
"ഡോക്ടര് സ്കാനര് വച്ച സ്ഥലം മാറിയതാ ..കൊച്ചിന്റെ പുറകിലാ പുള്ളി ക്യാമറ സൂം ചെയ്തത്. ബീ പോസിറ്റീവ്"
കുഞ്ഞുകഥ ഇഷ്ടപ്പെട്ടു, തുടരൂ, ബസോടിച്ച് നേരം കളയാതെ. അതും വേണം :)
ReplyDeleteപ്രോല്സാഹനത്തിനു നന്ദി നിസു..
ReplyDelete